Yandex tahlillariga koʻra, kompaniyaning «Topish arzonroq» (Найти дешевле) nomli sunʼiy intellekt agenti ishga tushirilgandan soʻng, foydalanuvchilar eng koʻp elektronika mahsulotlarini qidirishga qiziqish bildirmoqda. Ushbu toifadagi xaridlarda oʻrtacha 21 foizgacha tejamkorlikka erishilmoqda, oʻrtacha xarid cheki esa 27 050 rublni tashkil etmoqda. Bu haqda Ixbt.com xabar beradi.
Reytingning ikkinchi oʻrnida dorixona mahsulotlari (16 foiz tejamkorlik), uchinchi oʻrinda esa qurilish va taʼmirlash mollari (taxminan 20 foiz tejamkorlik) bormoqda. Ayrim hollarda narxlar oʻrtasidagi farq 40 foizgacha yetishi kuzatilmoqda.
Yandex maʼlumotlariga koʻra, foydalanuvchilar sunʼiy intellekt yordamida dastlabki narxdan chorak barobar arzonroq takliflarni topishmoqda. Birgina xarid uchun tejalgan mablagʻ 6000 rublgacha yetishi mumkin. Aqlli agent internet-doʻkonlardagi takliflarni tahlil qilib, eng foydali variantlarni saralab beradi.
2026-yilning dastlabki oylarida «Alisa AI» orqali onlayn-doʻkonlar va marketpleyslar saytlariga oʻtishlar soni 159 foizga oshdi. Eslatib oʻtamiz, «Topish arzonroq» funksiyasi «Alisa AI» tizimida 2025-yil dekabr oyida taqdim etilgan edi.
“Zamin”ni Telegramʻda oʻqing!
