Тошкент шаҳрида 2015 йил давомида ўт ўчирувчиларни 14 марта «алдашди» » Ўзбекистон янгиликлари – Zamin.uz

Тошкент шаҳрида 2015 йил давомида ўт ўчирувчиларни 14 марта «алдашди»

Узбекистон 19-11-2015, 17:38 786

Тошкент шаҳар Ёнғин хавфсизлиги бошқармасида ҳар бир чақирув ва телефон рақами ёзиб олинади. Бу ҳақда бошқарма бошлиғи Бахтиёр Пўлатов «Даракчи» газетасига маълум қилди.

Тошкент шаҳрида 2015 йил давомида ўт ўчирувчиларни 14 марта «алдашди»

«Бундай ҳоллар рўй берган тақдирда биз маҳаллий ички ишлар идорасига мурожаат қиламиз, улар эса ўз ўрнида Маъмурий жавобгарлик тўғрисидаги кодексининг 199-моддасига асосан, чора кўради», — деди Пўлатов.

«Шу йил давомида 14 та шундай ҳолатни рўйхатга олдик. Бундай ҳолатлар маъмурий жавобгарлик билан ниҳоясига етди», — деди Тошкент шаҳар Ёнғин хавфсизлиги бошқармаси бошлиғи.

Маълумот учун, Маъмурий жавобгарлик тўғрисидаги кодекснинг 199-моддасига («Махсус хизматларни қасддан алдаб чақирганлик») мувофиқ, милиция, ёнғинга қарши хизмат, тиббий тез ёрдам ва бошқа махсус хизматларни қасддан алдаб чақирганлик энг кам иш ҳақининг бир бараваридан уч бараваригача миқдорда жарима солишга сабаб бўлади.

Аввалроқ Тошкент шаҳрида 10 ойда юз берган ёнғинлар оқибатида 17 киши ҳалок бўлгани ҳақида хабар берилган эди.


Манба: Daryo.uz


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.