15 ноябр куни Ўзбекистон президенти Шавкат Мирзиёев ва Қозоғистон президенти Қасим-Жомарт Тоқаев «Кўксарой» қароргоҳида тор доирада музокаралар ўтказди. Бу ҳақда Ўзбекистон Президенти матбуот хизмати хабар берди.
Учрашувда энергетика, транспорт, кимё саноати, қишлоқ ва сув хўжалиги, экология ҳамда IT соҳаларидаги ҳамкорлик истиқболлари муҳокама қилинди. Музокаралар чоғида жорий йил бошидан буён ўзаро савдо айланмаси 4 миллиард долларга етгани қайд этилиб, бу кўрсаткични 10 миллиард долларга ошириш бўйича келишувга эришилди.
Шунингдек, Ўзбекистон ва Қозоғистон саноат кооперацияси бўйича умумий қиймати 8 миллиард доллардан ортиқ лойиҳалар портфелини тайёрлагани, инвестиция платформаси яратиш режалари мавжудлиги таъкидланди. Учрашув якунида давлат раҳбарлари минтақалараро ҳамкорликни кенгайтиришга келишиб, 2026 йилда Қозоғистонда биринчи минтақалар раҳбарлари кенгашини ўтказишга қарор қилишди.
Меҳмон гуруҳидаги фойдаланувчилар ушбу мақолага изоҳ қолдира олмайди.
