6 сентябрь куни ЖЧ-2018 саралаши доирасида Осиё қитъасидаги баҳслар давом этди. А ва В гуруҳларида иккинчи тур ўйинларидан кейин Ўзбекистон, Саудия Арабистони ва Австралия терма жамоалари йўқотишларсиз боришмоқда.
«А» гуруҳида Ўзбекистон 6 очко билан яққол етакчи. Ўзбекистон миллий терма жамоаси 2-турни сафарда Қатар терма жамоасига қарши ўтказди ва 1:0 ҳисобидаги ғалаба билан қайтди.
«А» гуруҳидаги дастлабки ўйинда Хитой терма жамоаси Эронни қабул қилган, учрашувда ҳисоб очилмаганди. Нейтрал майдонда ўтказилган Сурия — Жанубий Корея баҳси ҳам 0:0 ҳисобидаги дуранг билан тугаган.
Ўзбекистонлик футболчилар ЖЧ ҳал қилувчи саралаш босқичини ўз тарихида биринчи марта кетма-кет 2 ғалаба билан бошлашди. 1-турда Самвал Бабаян қўли остидаги жамоа Сурияни худди шундай ҳисобда мағлуб этганди.
Айни вақтда гуруҳда Эрон ва Жанубий Корея терма жамоалари 4тадан очко билан 2-3 ўринларни бўлишиб турибди. Хитой ва Сурияда биттадан очко мавжуд. Ҳали очко олмаган Қатар охирги ўринда.
«В» гуруҳини эса Австралия ва Саудия Арабистони терма жамоалари бошқармоқда. Австралия 2-турда Кейхиллнинг голи эвазига БААни, Саудия Арабистони эса ўйиннинг охирида 2 марта пеналтидан гол уриб Ироқни мағлуб этди. Таиландга сафар қилган Япония 2:0 ҳисобида ғалаба қозонди.
Бу гуруҳда Саудия ва Австралиядан кейин 3 очко тўплаган ҳолда Япония ва БАА жойлашган. Ироқ ва Таиланд ҳали очко олмади.
Маълумот учун, саралаш баҳслари якунига кўра, гуруҳда дастлабки икки ўринни эгаллаган терма жамоалар 2018 йили Россияда бўладиган футбол бўйича жаҳон чемпионатига тўғридан-тўғри йўлланма олади, 3-ўрин эгаси эса плей-офф баҳсларида қатнашади.
Манба: Кун.уз “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Велосипедда сайр қилиш учун 3 сабаб: ёшартиради, оздиради ва умрни узайтиради
Россия дунёдаги биринчи водород ёқилғили автомобилни тақдим этди
Германияда мактаб ўқувчилари оммавий равишда ислом динини қабул қилмоқда
Қайси кундалик одатлар иммунитет пасайишига олиб келишини биласизми?
Америкалик олимлар барча учун бирдек фойдали жисмоний фаоллик турини аниқлади
