6 sentyabr kuni JCh-2018 saralashi doirasida Osiyo qit’asidagi bahslar davom etdi. A va V guruhlarida ikkinchi tur o‘yinlaridan keyin O‘zbekiston, Saudiya Arabistoni va Avstraliya terma jamoalari yo‘qotishlarsiz borishmoqda.
«A» guruhida O‘zbekiston 6 ochko bilan yaqqol etakchi. O‘zbekiston milliy terma jamoasi 2-turni safarda Qatar terma jamoasiga qarshi o‘tkazdi va 1:0 hisobidagi g‘alaba bilan qaytdi.
«A» guruhidagi dastlabki o‘yinda Xitoy terma jamoasi Eronni qabul qilgan, uchrashuvda hisob ochilmagandi. Neytral maydonda o‘tkazilgan Suriya — Janubiy Koreya bahsi ham 0:0 hisobidagi durang bilan tugagan.
O‘zbekistonlik futbolchilar JCh hal qiluvchi saralash bosqichini o‘z tarixida birinchi marta ketma-ket 2 g‘alaba bilan boshlashdi. 1-turda Samval Babayan qo‘li ostidagi jamoa Suriyani xuddi shunday hisobda mag‘lub etgandi.
Ayni vaqtda guruhda Eron va Janubiy Koreya terma jamoalari 4tadan ochko bilan 2-3 o‘rinlarni bo‘lishib turibdi. Xitoy va Suriyada bittadan ochko mavjud. Hali ochko olmagan Qatar oxirgi o‘rinda.
«V» guruhini esa Avstraliya va Saudiya Arabistoni terma jamoalari boshqarmoqda. Avstraliya 2-turda Keyxillning goli evaziga BAAni, Saudiya Arabistoni esa o‘yinning oxirida 2 marta penaltidan gol urib Iroqni mag‘lub etdi. Tailandga safar qilgan Yaponiya 2:0 hisobida g‘alaba qozondi.
Bu guruhda Saudiya va Avstraliyadan keyin 3 ochko to‘plagan holda Yaponiya va BAA joylashgan. Iroq va Tailand hali ochko olmadi.
Ma’lumot uchun, saralash bahslari yakuniga ko‘ra, guruhda dastlabki ikki o‘rinni egallagan terma jamoalar 2018 yili Rossiyada bo‘ladigan futbol bo‘yicha jahon chempionatiga to‘g‘ridan-to‘g‘ri yo‘llanma oladi, 3-o‘rin egasi esa pley-off bahslarida qatnashadi.
Manba: Kun.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko G‘arbga tahdid bilan chiqdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
AQSHning G‘azodagi siyosatidan norozi Davlat departamenti rasmiysi iste’foga chiqdi
Qaysi kundalik odatlar immunitet pasayishiga olib kelishini bilasizmi?
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Germaniyada maktab o‘quvchilari ommaviy ravishda islom dinini qabul qilmoqda