─ Тирикчилик ташвишларида эрим билан бирга ўзимни савдога урдим. Ҳаётимиз изига туша бошлаганида хўжайним менга хиёнат қила бошлаганини билдим. Ўзидан анча ёш ва бетарбия аёлни никоҳлаб олибди. Бу ҳам етмагандек, икковлашиб менга руҳий азоб бермоқда. Ўша аёлга қўнғироқ қилиб оиламни тинч қўйишини сўраганимда, эримга мени гиж-гижлаб, уриштириб қўймоқда. Бир куни эрим мени бирга овқатланишга таклиф қилди. Ўтирганимизда ўша аёл қўнғироқ қилиб, ҳақоратлай кетди. Камига эримдан ҳам гап эшитиб олдим. Кейин билсам, икковлари келишиб олиб, буни атайин уюштиришган экан. Уларнинг зулмидан қандай қутилишим мумкин?
Мукаммал, 33 ёш, Самарқанд вилояти.
Руҳшунос: — Аёл хиёнатдан хабар топганида оиланинг келгуси тақдири унга боғлиқ бўлиб қолади. Барча муносабатларга нуқта қўйиши ёки уларнинг янги босқичига кўтарилишига имкон яратиши мумкин. Агар сиз турмуш ўртоғингизнинг қилган айбини юзига солсангиз ёки доимий равишда хатосини эслатиб турсангиз, вазият асло юмшамайди. Жангда ғолиблар бўлмайди, ҳар икки тараф ҳам талофатга учрайди. Аёл ўзига ишончи сусайган пайтлардагина ҳақоратлашларига, устидан кулишларига йўл қўйиб беради. Бундай ҳолатда ўзини хурмат қилишга ва қадрини сақлашга қодир бўлмай қолади. Шунда атрофдагилар ҳам бундай ўткинчи ҳолатингиздан фойдаланишади. Ўзингизга ишонишни, қадрлашни ўрганинг, шундагина атрофдагилар ҳам муносабатини ўзгартиради.
Марям Ихтиёрова: — Қўлига озгина пул тушган эркак босар-тусарини билмай қолишини кўп кузатганман. Эрингиз сизга нисбатан пасткашлик қилибди, иродани қўлга олиб, аёллик ғурурингизни, иззат-нафсингизни юқори қўйишни ўрганинг. Шу алпозда “ит хурар, карвон ўтар” мақоли ёдимга тушди. Уларнинг гап-сўзига эътибор бермасликни ўрганинг. Албатта, бу осон кечмайди, бироқ сиз бунинг уддасидан чиқолсангиз, келажакда фаровон оиланинг бекасига айланасиз. Бу ҳам Оллоҳ томонидан берилган бир синов. Сабр қилсангиз, мукофоти ҳам вақти-соати билан берилади.
Манба: Darakchi.uz “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Толибон” Афғонистоннинг Хост вилоятида беш нафар фуқарони қамчи билан жазолади
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Германияда мактаб ўқувчилари оммавий равишда ислом динини қабул қилмоқда
Зоир Мирзаев “Телефонсиз мактаб”га 300 млн сўм мукофот берди
Велосипедда сайр қилиш учун 3 сабаб: ёшартиради, оздиради ва умрни узайтиради
Америкалик олимлар барча учун бирдек фойдали жисмоний фаоллик турини аниқлади