Xitoyning Sыchuan viloyatilik er-xotin 54 yil davomida g‘orda yashab keldi va u erdan ko‘chib ketishni rad etmoqda. Bu haqda «Jenmin jibao» gazetasi xabar bermoqda.
81 yoshli Lyan Szifu va uning 77 yoshli rafiqasi Li Suin 54 yil avval g‘orga kelib, qo‘nim topishadi, chunki ularning o‘ziga uy sotib olishga puli yo‘q edi. Yillar sayin yoshlar g‘orda o‘z hayotini qura boshladi, uni yotoqxona, oshxona, mehmonxona bilan jihozlashdi va kichik fermer xo‘jaligini tashkil qilishadi.
Gazetaning yozishicha, ularning g‘ordagi turmushi davomida to‘rt farzandi dunyoga keladi. Xitoy hukumati ularga yaxshi turar-joy taklif qiladi, biroq oilaning o‘z g‘orini tashlab ketish niyati yo‘q.
Lyan Szifu va Li Suinning holati Xitoydagi birinchi hodisa emas. 2011 yilda jurnalistlar Guychjou viloyatidagi tog‘ g‘orida joylashgan qishloqqa e’tibor qaratdi. G‘or dengiz sathidan 1800 metr balandlikda joylashgan. G‘orda doimiy tarzda 100dan ortiq odam yashaydi. Bu erda sport maydoni, uy hayvonlari uchun maydon bor. Avvalari maktab ham bor edi.
Biroq mamlakat hukumati maktablarni yopishga buyruq berib, Xitoy «g‘or odamlari jamiyati» emasligini aytib o‘tdi. Biroq ayrim manbalar qayd etishicha, Xitoyda hozirgacha 30 millionga yaqin inson o‘z qo‘li bilan jihozlagan g‘orlarda yashaydi.
Bundan tashqari, ko‘plab aholi orasida g‘or qimmat bo‘lmagan va ekologik toza uy hisoblanadi. Ayrim g‘orlar ijaraga beriladi, hatto sotiladi. Ularning narxi ba’zan o‘n ming dollargacha ko‘tariladi.
Manba: Kun.uz
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi