Kirib kelgan yil Markaziy Osiyo uchun demografiya borasida o‘ziga xos burilish yili bo‘ladi. Mintaqa aholisi bu yil 70 million nafardan oshishi kutilmoqda. Almatida bo‘lib o‘tgan "Markaziy Osiyo — 2017: yangi trend va ssenariylar" mavzuidagi davra suhbatida mana shu raqam tilga olindi, deb xabar bermoqda Sputnik agentligi.
Eslatib o‘tamiz, O‘zbekiston aholi soni jihatidan Markaziy Osiyoda birinchi o‘rinda turadi. 2016 yilning 1 iyul holatiga ko‘ra respublikaning doimiy aholisi soni 31 million 807 ming kishini tashkil etgan. O‘zbekistonda o‘rtacha umr davomiyligi ayollarda 75,8 va erkaklarda 71,1 yoshga teng.
Qozog‘iston prezidenti huzuridagi strategik tadqiqotlar instituti siyosatshunoslari Markaziy Osiyoda 2017 yilda sodir bo‘ladigan muhim voqealar o‘nligini ma’lum qilishdi.
Demografik o‘sishdan tashqari ekspertlar jahon mahsulotlar bozoridagi tiklanish mintaqa mamlakatlari iqtisodiyotining yaxshilanishiga olib kelishini taxmin qilishmoqda. Shu bilan birga Xitoyning Markaziy Osiyodagi iqtisodiy tashrifi mustahkamlanishi kuzatiladi.
Mintaqa mamlakatlaridagi ichki siyosiy jarayonlar ham siyosatshunoslar e’tiboriga tushdi. Xususan, O‘zbekistonning yangi hukumat boshchiligidagi dastlabki yildagi taraqqiyoti hamda Turkmaniston va Qirg‘izistondagi prezidentlik saylovlari ham siyosatshunoslar sharhidan o‘rin olgan.
Yaqin Sharqdagi vaziyat hamda Afg‘onistondagi beqarorlik bois Markaziy Osiyo mintaqasidagi terrorchilik tahdidiga alohida e’tibor qaratilgan.
Rossiya, Xitoy, AQSh, Turkiya, Erondagi ichki siyosiy jarayonlar va ularning mintaqadagi mamlakatlar bilan munosabatlari ham taxminlar ro‘yxatidan joy olgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi