Google компанияси Android фойдаланувчиларига ўз виджетларини сунъий интеллект ёрдамида яратиш имконини берувчи янги «Креате Мй Видгет» функциясини эълон қилди. Ушбу имконият дастлаб ёз ойларида Samsung Galaxy ва Google Pixel смартфонлари эгалари учун тақдим этилади. Бу ҳақда Techcrunch.com хабар беради.
Янги функция фойдаланувчиларга табиий тилда сўров юбориш орқали керакли виджетни шакллантиришга ёрдам беради. Масалан, фойдаланувчи ҳафталик соғлом овқатланиш рецептларини кўрсатишни ёки фақат шамол тезлиги ва ёғингарчилик маълумотларини акс эттирувчи об-ҳаво виджетини яратишни сўраши мумкин.
Gemini технологияси интернетдаги маълумотлар билан бир қаторда Gmail ва Календар каби Google иловалари билан ҳам интеграцияланади. Бу орқали фойдаланувчи ўзининг шахсий маълумотлари, масалан, режалаштирилган саёҳат ёки тадбирлар бўйича барча керакли тафсилотларни битта интерфейсда жамлаши мумкин.
Google вакили Бен Гринвуднинг таъкидлашича, бу хусусият шахсий ёрдамчига савол бериб, жавобни доимий равишда экранда кўриб туришга ўхшайди. Компания ушбу янгиликни Gemini Intelлигенсе тизими билан биргаликда тақдим этди, бу эса Android тажрибасини янада ақлли ва мослашувчан қилишга қаратилган.
“Zamin”ни Telegram'да ўқинг!
