Келажакда иш жойларимиз қандай кўриниш олади? Сўнгги пайтларда ходимлар ўз компьютерлари билан кўпроқ мулоқот қилишмоқда. Валл Стреэт Жоурнал нашрининг ёзишича, Виспр каби диктовка иловалари "вибе кодинг" воситалари билан интеграция қилиниши офис маданиятини тубдан ўзгартириб юборди. Бу ҳақда Techcrunch.com хабар беради.
Бир венчур инвесторнинг таъкидлашича, бугунги кунда стартап офисларига кирган одам ўзини худди йирик колл-марказда тургандек ҳис қилади. Густо асосчиси Эдвард Ким ўз жамоасига келажакда офислар худди савдо бўлими каби шовқинли бўлишини айтган. Унинг ўзи ҳозирда фақат ўта зарур ҳоллардагина клавиатурадан фойдаланаётганини тан олади.
Бироқ, доимий равишда компьютерга гапириб ишлаш баъзи ноқулайликларни келтириб чиқармоқда. AI соҳасидаги тадбиркор Молли Амкраут Мюллернинг айтишича, унинг компьютерга шивирлаб гапириш одати турмуш ўртоғини безовта қилган, шу сабабли улар энди алоҳида хоналарда ишлашга мажбур бўлишмоқда.
Виспр асосчиси Танай Котҳари эса бу ҳолат вақт ўтиши билан одатий тус олишига ишончи комил. Унинг фикрича, бугун смартфон экранига соатлаб тикилиб ўтириш қандай табиий қабул қилинса, келажакда компьютер билан овозли мулоқот қилиш ҳам худди шундай оддий жараёнга айланади.
“Zamin”ни Telegram'да ўқинг!
