Redmi К100 туркумидаги янги смартфонлар тақдимоти октябрь ойига режалаштирилган бўлса-да, базавий модел ҳақидаги илк маълумотлар аллақачон тарқалди. Таниқли инсайдер Digital Chat Station хабарига кўра, янги қурилма аввалги авлодга нисбатан сезиларли даражада янгиланади. Бу ҳақда Ixbt.com хабар беради.
Смартфон 6,6 дюймли дисплей ҳамда 8500 мА·соат сиғимга эга аккумулятор билан жиҳозланиши кутилмоқда. Таққослаш учун, олдинги моделда бу кўрсаткич 7100 мА·соатни ташкил этган эди. Симли қувватлаш тезлиги 100 Вт даражасида қолиши, шунингдек, туркумда илк бор 50 Вт қувватга эга симсиз қувватлаш технологияси жорий этилиши мумкин.
Веибо ижтимоий тармоғидаги муҳокамаларда фойдаланувчилар гап айнан Redmi К100 ҳақида кетаётганини тахмин қилишмоқда ва инсайдер бу маълумотни инкор этмади. Қурилма Snapdragon 8 Элите Ген 5 процессори негизида ишлаши кутилмоқда.
Техник янгиланишлар билан бир қаторда смартфон нархи ҳам ошиши кутилмоқда. Тахминларга кўра, қурилма 4000 юан (тахминан 585 доллар) атрофида сотувга чиқади, бу эса Redmi К90 бошланғич нархидан анча юқоридир.
“Zamin”ни Telegram'да ўқинг!
