SpaceX компанияси Starship В3 конфигурациясидаги ракетанинг илк синов парвози санасини эълон қилди. Парвоз 20-май куни Тошкент вақти билан соат 03:30 да Жанубий Техасдаги Старбасе космодромидан амалга оширилиши режалаштирилган. Ушбу миссия компания учун технологик жиҳатдан муҳим қадам ҳисобланади. Бу ҳақда Ixbt.com хабар беради.
Starship В3 ракетаси такомиллаштирилган Raptor двигателлари, янгиланган биринчи босқич архитектураси ва бошқарув тизимлари билан жиҳозланган. Дастлабки синов давомида Super Heavy тезлатгичини старт майдончасига қайтариш эмас, балки уни очиқ денгизга қўндириш кўзда тутилган. Юқори босқич эса космосга 22 та Starlink сунъий йўлдоши макетларини олиб чиқади.
Миссия давомида SpaceX муҳандислари иссиқликдан ҳимоя қилувчи қопламаларни синовдан ўтказишни мақсад қилган. Бунинг учун кеманинг айрим қисмларидаги ҳимоя плиталари олиб ташланган ва махсус бўёқлар билан қопланган. Шунингдек, сунъий йўлдош макетлари ёрдамида атмосфера қатламига кириш жараёни кузатилади.
Эслатиб ўтамиз, Starship В3 ракетасининг умумий баландлиги 124 метрни ташкил этади. Бу кўрсаткич уни афсонавий Сатурн В ракетасидан ҳам 13,4 метрга узунроқ қилади ва уни инсоният тарихидаги энг йирик учиш аппаратига айлантиради.
“Zamin”ни Telegram'да ўқинг!
