Сунъий интеллект ўзини ўзи ривожлантира оладими?
Сунъий интеллект соҳасидаги таниқли мутахассис Ричард Сочер Сан-Францискода 650 миллион доллар сармоя жалб қилган янги Рекурсиве Суперинтеллигенсе стартапини ишга туширди. Лойиҳа доирасида Петер Норвиг ва Тим Ши каби нуфузли тадқиқотчилардан иборат жамоа инсон аралашувисиз ўзининг заиф томонларини аниқлаб, уларни бартараф этиш учун қайта лойиҳаланадиган тизим устида ишламоқда.
Сунъий интеллект соҳасидаги таниқли мутахассис Ричард Сочер янги Рекурсиве Суперинтеллигенсе стартапини ишга туширди. Сан-Францискода жойлашган ушбу лойиҳа 650 миллион доллар сармоя жалб қилиб, ўз фаолиятини расман эълон қилди. Жамоа таркибидан Петер Норвиг ва Креста асосчиси Тим Ши каби нуфузли тадқиқотчилар ўрин олган. Бу ҳақда Techcrunch.com хабар беради.
Лойиҳа доирасида мутахассислар ўзини ўзи такомиллаштирувчи сунъий интеллект моделини яратиш устида ишламоқда. Бундай тизим инсон аралашувисиз ўзининг заиф томонларини аниқлай олади ва уларни бартараф этиш учун қайта лойиҳаланади. Бу замонавий технологиялар оламидаги энг катта мақсадлардан бири ҳисобланади.
Ричард Сочернинг таъкидлашича, уларнинг ёндашуви шунчаки автоматлаштирилган тадқиқот эмас, балки ҳақиқий рекурсив ўзини ўзи ривожлантириш жараёнидир. Тизим ғояларни шакллантириш, уларни амалга ошириш ва текшириш босқичларини тўлиқ автоматлаштиришга қаратилган.
Лойиҳанинг техник асоси "опен-эндеднесс" (чексиз ривожланиш) концепциясига таянади. Жамоа аъзоси Тим Рокктасчел Google DeepMind компаниясида ишлаган даврида ушбу йўналишда, хусусан, Гение 3 модели устида катта тажриба тўплаган. Бу технология сунъий интеллектга ўзининг камчиликларини англаш ва янги даражага кўтарилиш имконини беради.
Изоҳлар 0
…