Тадқиқот: Дунёда урушлар ва қуролли можаролар сони кўпайишни бошлади

^{Фото: Anadolu Agency/Getty Images}

2022 йилда дунёда 22 та уруш олиб борилган, дейди Гейделберг халқаро можароларни ўрганиш институти экспертлари. Уларнинг аксарияти - Африкада Саҳройи Кабирдан жанубда кузатилган.

2022 йилда дунёда 216 та уруш ва қуролли можаролар қайд этилган, бу бир йил аввалгига нисбатан 12 тага кўпдир. Булар - 12 май, жума куни Conflict Barometer янги ҳисоботини эълон қилган Гейделберг халқаро можароларни ўрганиш институти (HIIK) ҳисоб-китоблари. Шу билан бирга, 21 та можаро “уруш”, яна 21 таси “чекланган уруш” деб таснифланган, бу ҳам 2021 йилга нисбатан 2 тага кўпдир.

Олимлар Россиянинг Украинага кенг кўламли бостириб киришини Европадаги энг юқори даражадаги ягона ҳарбий қарама-қаршилик деб атади. Арманистон ва Озарбойжон ўртасидаги можаро "чекланган уруш" деб кўрсатилди.

Олимларнинг фикрича, куч билан ҳал қилинадиган низоларнинг асосий сабаблари ресурслар (ер, сув, фойдали қазилмалар) учун кураш ва мафкуравий ёки диний тафовутдир. Бироқ, сабабларнинг комбинацияси деярли ҳар доим рол ўйнайди, дея KNA агентлиги тадқиқот ҳаммуаллифларидан бири Татяна Валяеванинг фикрини келтиради.

Саҳройи Кабирдан жанубдаги тропик Африка сайёрадаги энг қайноқ нуқта бўлиб қолмоқда. У ерда олимлар 16 та урушни кузатишмоқда, уларнинг аксарияти унумдор ерларнинг қуриши ва сув етишмаслигига олиб келган иқлим ўзгариши билан қўзғатилган ёки кучайган. Бу, ўз навбатида, қочқинлар тўлқинига ва камайиб бораётган ресурслар учун курашга олиб келяпти.

Янгиликлар