Фото: АBC nеws
Эрон АҚШнинг сайланган президенти Дональд Трампни давлат раҳбари сифатида биринчи муддатда олиб борган Теҳронга нисбатан душманона сиёсатидан воз кечишга чақирмоқда. Бу ҳақда Эрон ҳукумати вакили Фатем Моҳажерани маълум қилди.
“Дональд Трампнинг Эронга максимал босим ўтказиш сиёсати тўлиқ барбод бўлди. Биз Трамп ҳукуматини ўзининг нотўғри сиёсатини қайта кўриб чиқишга таклиф қиламиз. Ҳукумат АҚШнинг мумкин бўлган янги чекловларига турли иқтисодий жавоб стратегияларини ишлаб чиқмоқда ва миллий манфаатларни мувофиқ равишда тўлиқ таъминлашга интилмоқда”, деди у.
Американинг янги маъмурияти билан музокараларни бошлаш имконияти ҳақидаги саволга жавоб берар экан, Моҳажерани ҳукумат Эрон олий раҳнамоси бошчилигида халқ манфаатларини таъминлаш учун қўлдан келганча ҳаракат қилишини таъкидлаган.
У, шунингдек, Эрон ядровий битими атрофидаги келишувларнинг барбод бўлишида жавобгарлик тўлиқ Трамп зиммасига тушишини қайд этган.
Эрон ядровий келишуви
Эрон ҳамда Россия, Буюк Британия, Германия, Хитой, АҚШ ва Франциядан иборат халқаро воситачилар гуруҳи 2015 йилда Ғарбнинг Теҳронга қўйган чекловларини босқичма-босқич олиб ташлашни назарда тутувчи қўшма кенг қамровли ҳаракатлар режасини (ҚКҲР) имзолаган эди.
Келишув хулосаси 2004 йилда Ғарб давлатлари Эронни ядро қуролини ишлаб чиқишда айблаган пайтда бошланган инқирозга якун ясаган. Кейин улар кетма-кет Ислом Республикасига қарши қаттиқ санкциялар, жумладан, нефть экспортига эмбарго қўйган. Трамп 2018 йилда АҚШни келишувдан чиқаришга қарор қилган ва Эронга қарши барча чекловларни тиклаган.
2020 йилнинг 3 январида Трампнинг буйруғи билан Ислом инқилоби қўриқчилари корпусининг “Ал-Қудс” махсус бўлинмаси (Эрон Қуролли кучларининг элита бўлинмалари) қўмондони генерал Қосим Сулаймоний Бағдод аэропорти яқинида ўлдирилган. Унинг ўлдирилиши Теҳрон ва Вашингтон ўртасидаги муносабатлар кескинлашувининг янги босқичига сабаб бўлган. 2020 йил 8 январда Эрон Ироқдаги Америка қўшинлари томонидан фойдаланилган иккита объектга жавоб қайтарган.
2024 йилда Эрон Олий суди Теҳрон ва Бағдодда 94 нафар Америка фуқаросига нисбатан жиноий иш очилгани ҳақида хабар берган эди. Асосий айбланувчилар орасида Трамп, собиқ давлат котиби Майк Помпео ва АҚШ Марказий қўмондонлигининг собиқ раҳбари Кеннет Маккензи бўлган.
11 ноябрь куни АҚШ Конгресси Вакиллар палатаси аъзоси Элиз Стефаник Трамп Эронга максимал босим сиёсатини давом эттиришини маълум қилди. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ким Чен Ин ҳарбийларни жанговар ҳолатда туришга чақирди
Дунёнинг машҳур аёллари кунни қандай бошлайди?
Диний қўмита Умра зиёратини ташкил қилиш учун 12 та турфирмага лицензия берди
22 ноябрь куни Cobalt автомобилига шартнома очилиши эълон қилинди
Халқаро жиноят суди Исроил бош вазири Нетаньяхуни ҳибсга олишга ордер берди
Хонанда Рухшона уйланмаган йигитга турмушга чиққани ҳақида сўзлаб берди
Starlink учун яна 20 та сунъий йўлдош орбитага учирилди
Баҳодир Жалолов: “Менга чемпионлик жангини беришса, ҳар қачон уни бажонидил қабул қиламан”
