Foto: ABC news
Eron AQSHning saylangan prezidenti Donald Trampni davlat rahbari sifatida birinchi muddatda olib borgan Tehronga nisbatan dushmanona siyosatidan voz kechishga chaqirmoqda. Bu haqda Eron hukumati vakili Fatem Mohajerani ma’lum qildi.
“Donald Trampning Eronga maksimal bosim o‘tkazish siyosati to‘liq barbod bo‘ldi. Biz Tramp hukumatini o‘zining noto‘g‘ri siyosatini qayta ko‘rib chiqishga taklif qilamiz. Hukumat AQSHning mumkin bo‘lgan yangi cheklovlariga turli iqtisodiy javob strategiyalarini ishlab chiqmoqda va milliy manfaatlarni muvofiq ravishda to‘liq ta’minlashga intilmoqda”, dedi u.
Amerikaning yangi ma’muriyati bilan muzokaralarni boshlash imkoniyati haqidagi savolga javob berar ekan, Mohajerani hukumat Eron oliy rahnamosi boshchiligida xalq manfaatlarini ta’minlash uchun qo‘ldan kelgancha harakat qilishini ta’kidlagan.
U, shuningdek, Eron yadroviy bitimi atrofidagi kelishuvlarning barbod bo‘lishida javobgarlik to‘liq Tramp zimmasiga tushishini qayd etgan.
Eron yadroviy kelishuvi
Eron hamda Rossiya, Buyuk Britaniya, Germaniya, Xitoy, AQSH va Fransiyadan iborat xalqaro vositachilar guruhi 2015 yilda G‘arbning Tehronga qo‘ygan cheklovlarini bosqichma-bosqich olib tashlashni nazarda tutuvchi qo‘shma keng qamrovli harakatlar rejasini (QKHR) imzolagan edi.
Kelishuv xulosasi 2004 yilda G‘arb davlatlari Eronni yadro qurolini ishlab chiqishda ayblagan paytda boshlangan inqirozga yakun yasagan. Keyin ular ketma-ket Islom Respublikasiga qarshi qattiq sanksiyalar, jumladan, neft eksportiga embargo qo‘ygan. Tramp 2018 yilda AQSHni kelishuvdan chiqarishga qaror qilgan va Eronga qarshi barcha cheklovlarni tiklagan.
2020 yilning 3 yanvarida Trampning buyrug‘i bilan Islom inqilobi qo‘riqchilari korpusining “Al-Quds” maxsus bo‘linmasi (Eron Qurolli kuchlarining elita bo‘linmalari) qo‘mondoni general Qosim Sulaymoniy Bag‘dod aeroporti yaqinida o‘ldirilgan. Uning o‘ldirilishi Tehron va Vashington o‘rtasidagi munosabatlar keskinlashuvining yangi bosqichiga sabab bo‘lgan. 2020 yil 8 yanvarda Eron Iroqdagi Amerika qo‘shinlari tomonidan foydalanilgan ikkita obyektga javob qaytargan.
2024 yilda Eron Oliy sudi Tehron va Bag‘dodda 94 nafar Amerika fuqarosiga nisbatan jinoiy ish ochilgani haqida xabar bergan edi. Asosiy ayblanuvchilar orasida Tramp, sobiq davlat kotibi Mayk Pompeo va AQSH Markaziy qo‘mondonligining sobiq rahbari Kennet Makkenzi bo‘lgan.
11 noyabr kuni AQSH Kongressi Vakillar palatasi a’zosi Eliz Stefanik Tramp Eronga maksimal bosim siyosatini davom ettirishini ma’lum qildi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
