Яқинда Филиппинда яна бир тўй ғаройиб манзарага сабаб бўлди: келин-уйларидан тортиб меҳмонларгача тиззагача сувда туриб маросимда иштирок этишди. Бу гал сув тошқинлари остида ўтган никоҳ маросими ижтимоий тармоқларда тарқалиб, яна бир бор филиппинликларнинг чидамлилиги ва бағрикенглигини дунёга намоён этди.
Аммо бу ҳодиса илк бор юз бераётгани йўқ. Сўнгги йилларда ушбу тарихий черковда бир неча бор шунга ўхшаш ҳолатлар кузатилди. Ушбу ҳолат Филиппиндаги тобора чуқурлашаётган сув тошқинлари муаммосининг рамзий ифодасига айланмоқда.
Тўйлар ортидаги ҳақиқат: йиллардан бери ечилмаётган муаммо
Филиппин — Тинч океани бўйида жойлашган, тропик довуллар энг кўп учрайдиган давлатлардан бири. Ҳар йили 20 га яқин циклон юз беради, уларнинг ярми мамлакатга бевосита таъсир кўрсатади. Бу эса доимий ёмғир, ер кўчкиси, тошқин ва сув тўпланишларига олиб келади.
Шу шароитда нега тўй қилишади?
Тўй ўтказган келин Жамаиcа ва куёв Жаде мухбирларга берган интервюда айтишларича, улар охирги кечада маросимни бекор қилиш ёки давом эттириш ҳақида анча тортиниб қолишган. Аммо якунда муҳаббат ва яқинларининг қўллаб-қувватлаши устувор бўлди.
Маросимдан сўнг улар илк иши соғлиқ марказидан антибиотик олиш бўлган — сув орқали юқадиган касалликлар, хусусан, гепатит ва лептоспироздан сақланиш учун. Яна бир эсда қоларли ҳолат: никоҳдан атиги бир неча соат ўтиб, худди шу черковда дафн маросими бўлиб ўтди. Қабр маросими ҳам тиззагача сувда ўтказилди.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Мавзуга оид янгиликлар
