Ўзбекистон 2026 йилда бюджетнинг ижтимоий йўналишини кучайтиришни режалаштирмоқда. Ҳар йили бюджет ташкилотлари ходимларининг ойлик маошлари, шунингдек, пенсиялар ва нафақалар миқдори инфляция даражасидан юқори бўлиши таъминланади.
Бюджет тақчиллиги учун фискал қоидалар сақлаб қолинади — ЯИМга нисбатан 3 фоиздан ошмаслиги, давлат қарзи эса 50 фоиздан юқори бўлмаслиги назарда тутилган. Таълим соҳаси кенгайтирилади, STEM (аниқ фанлар) бўйича маблағ ажратилади.
Тиббиёт соҳасида эса шифохоналар модернизация қилинади ва рақамлаштириш ишлари амалга оширилади. Бундан ташқари, давлат транспорт инфратузилмаси, энергетика, сув таъминоти ва ўқув муассасаларини қуриш учун маблағ ажратишни ҳам режалаштирмоқда.
Ҳудудларга бюджетни мустақил бошқариш бўйича кўпроқ ваколат берилади, иқтисодий жиҳатдан орқада қолган вилоятларга қўшимча ёрдам кўрсатилади. Шу билан бирга, ҳудудларда маблағнинг самарали ишлатилишини назорат қилиш тизими жорий этилади.
Меҳмон гуруҳидаги фойдаланувчилар ушбу мақолага изоҳ қолдира олмайди.
