Мюнхеннинг «Бавария» клуби бош мураббийи Венсан Кампани Луис Диас ва Майкл Олисени Франк Рибери ҳамда Арьен Роббен билан таққослашлар ҳақида фикр билдирди. Бу ҳақда euro-football.ru хабар беради.
Колумбиялик Диас ва француз Олисе сўнгги пайтларда «Бавария»даги энг кучли вингерлар тандеми сифатида тилга олинмоқда — мухлислар уларни Рибери ва Роббен давридан бери энг яхши жуфтлик деб атаяпти.
«Ҳозирча уларни солиштиришни истамайман. Рибери ва Роббенни жуда ҳурмат қиламан, уларга қарши ўйнаш ҳам насиб қилган. “Лучо” ва Майкл ўз йўлидан бориши керак. Гап фақат индивидуал маҳоратда эмас, жамоавий совринлар ҳам муҳим. Агар улар “Бавария” билан кўплаб муҳим трофейларни қўлга киритса, балки шунда бундай қиёслар ўринли бўлар, ҳозир эса йўқ», — деди Кампани матбуот анжуманида.
Эслатиб ўтамиз, Луис Диас «Бавария» сафига ўтган ёзда қўшилган, Майкл Олисе эса жамоага 2024 йилда келиб қўшилган.
“Zamin”ни Telegram'да ўқинг!
