АҚШ Ваколатхоналар палатаси 2026 йил учун мудофаа бюджети тасдиқлади. Янги бюджет 901 миллиард долларни ташкил этиб, бу аввалги кўрсаткичлардан рекорд даражада юқори.
Ушбу ҳужжат 312 нафар конгрессмен томонидан маъқулланган бўлиб, 112 нафари унга қарши овоз берди. Ҳозирги кунда қонун лойиҳаси Сенат томонидан кўриб чиқилмоқда ва келаси ҳафта тасдиқланиши кутилмоқда.
Янги бюджет АҚШ президенти Дональд Трамп талаб қилган суммадан 8 миллиард долларга кўпроқни ўз ичига олади. Бу версия Сенат ва Ваколатхоналар палатаси илгари таклиф этган вариантлар ўртасидаги муросали келишувдир.
Ҳар икки партия етакчилари, айрим бандлар бўйича келишмовчиликлар бўлишига қарамай, ҳужжатни қўллаб-қувватлашга чақирдилар. Бюджет Украинага ҳар йили 400 миллион доллар ҳарбий ёрдам ажратишни, шунингдек, Европа хавфсизлигини мустаҳкамлаш чораларини ҳам ўз ичига олади.
Шунингдек, АҚШ ҳарбийларининг маошларини 4 фоизга ошириш ва ҳарбий базалардаги яшаш шароитларини яхшилаш режалаштирилган. Бироқ, ҳужжатда бепуштликни даволаш суғуртаси бўйича банд киритилмади, чунки бу масалага Ваколатхоналар палатаси спикери Майк Жонсон қаршилик кўрсатди.
Шунингдек, Трамп томонидан танқид қилинган баъзи дастурлар, масалан, хилма-хиллик ва инклюзия бўйича тренинглар қисқартирилди. Ушбу бюджет Пентагон дастурларини белгилайди, бироқ маблағни тўғридан-тўғри ажратмайди.
Бу учун Конгресс 2026 йил сентябрга қадар алоҳида қонун қабул қилиши керак.
Меҳмон гуруҳидаги фойдаланувчилар ушбу мақолага изоҳ қолдира олмайди.
