Қозоғистонда ит-мушукларни ейиш қонун билан тақиқланади

Ҳайвонларга масъулиятли муносабатда бўлиш тўғрисидаги қонун лойиҳаси Қозоғистонда ҳайвонларга нисбатан шафқатсизликнинг олдини олади, деб хабар берди Newtimes.kz.

Итлар жанглари, наркозсиз ветеринария операциялари, ҳайвонларнинг сабабсиз ўлдирилиши, ҳайвонларга ўз вақтида ёрдам кўрсатилмаслиги, одамларнинг истеъмоли учун мўлжалланмаган ҳайвонларнинг гўшти ва ёғидан фойдаланиш ва маҳсулот олиш кабилар тақиқланадиган ишларга киради.

Экология, геология ва табиий ресурслар вице-вазири Алия Шалабекова уй ҳайвонлари гўштидан фойдаланиш қандай назорат қилиниши ҳақида гапирган.

"Бир киши итларни бошпанадан олиб кетган ҳолат бўлган. Аслида, у бу итларнинг гўштини овқат учун ишлатган. Қонун лойиҳасига кўра, адашган ҳайвонларни бошпаналарда сақлаш қоидалари таъминланади: агар фуқаро ҳайвонлар сақланадиган жойлардан уй ҳайвонини олиб кетган бўлса, бошпана бу ит билан қандай муносабатда бўлишини мунтазам кузатиб бориши мумкин. Энди биз бошпанадан олиб кетилган ҳайвонлар устидан назорат ўрнатамиз”, деган у.

Вазир ўринбосари қайси ҳайвонларни истеъмол қилиш тақиқланганлиги ҳақидаги саволга, итлар, мушуклар, тўтиқушлар, бўрсиқлар ва оқ сичқонлар деб жавоб берган.

Уй ҳайвонлари гўштини ейишни ҳайвонларнинг ўлимига олиб келган шафқатсиз муносабатга тенглаштириш режалаштирилган. «Замин»ни Telegram’да ўқинг!