Трамп Путинни огоҳлантирди

АҚШ президенти Дональд Трамп Россия раҳбари Владимир Путинга нисбатан қаттиқ баёнот билан чиқди. Унинг сўзларига кўра, агар Путин Украинадаги можарони тинч йўл билан ҳал эта олмаса, бу Россия етакчиси учун ёмон оқибатларга олиб келиши мумкин.

“Менимча, у бу масалани ҳал қилади. Лекин биз барибир ҳаракат қиламиз. Агар у бундай қилмаса, бу унинг учун ёмон тугайди”, — деди Трамп ўз чиқишида.

Шу билан бирга, Оқ уй раҳбари агар можаро бартараф этилмаса, Tomahawk ракеталарини Украинага етказиб бериш имкониятини ҳам муҳокама қилишини маълум қилди. У бу масала Путин билан бевосита мулоқотда кўтарилиши мумкинлигини қўшимча қилди.

Украина президенти Владимир Зеленский эса ҳозирча АҚШ томонидан Tomahawk ракеталарини етказиб бериш бўйича расмий қарор қабул қилинмаганини таъкидлади. Унинг сўзларига кўра, Киев бу йўналишда музокараларни давом эттирмоқда.

Чарос Заркараева

«ZAMIN.UZ» муҳаррири