«Барселона»нинг ёш юлдузи Ламин Ямал жароҳатдан тикланиш жараёнида бўш вақтдан унумли фойдаланмоқда. Испаниялик вингер 25 ёшли аргентиналик қўшиқчи Никки Никол билан бирга вақт ўтказаётгани маълум бўлди.
Испан ОАВларининг ёзишича, жуфтлик вертолётда Хорватия ороллари устидан учиб сайр қилган. Бу ҳақдаги лавҳаларни Ямал ўз ижтимоий тармоқдаги саҳифасида ҳам баҳам кўрди.
Футболчи видеода ҳазил билан Никининг парвоз пайтида боши айланганини айтган. Мухлислар бу лаҳзани жуда самимий ва романтик деб баҳолашди.
Маълумот учун, Ламин Ямал ҳозирда жароҳатидан соғайиш жараёнида бўлиб, у “Барселона” сафидаги навбатдаги ўйинларга қайтиш учун индивидуал машғулотларни давом эттирмоқда.
Аввалроқ, ёш юлдуз Инстаграмда Никки Никол билан тушган суратини жойлаб, унинг туғилган кунини табриклаган ва шу билан ишқий муносабатларини расман тасдиқлаганди.
Мухлислар жуфтликни “футбол ва мусиқанинг янги романтик жуфти” деб аташмоқда. Ямал эса айни пайтда нафақат майдондаги, балки шахсий ҳаётида ҳам ёрқин лаҳзаларни бошдан кечираётгандек кўринади.
“Zamin”ни Telegram'да ўқинг!
