Сўнгги кунларда Ўзбекистонда тунги совуқлар кузатилмоқда. Бу ҳолат куз фаслининг фаол босқичга кираётганини кўрсатмоқда.
Россиялик синоптик Эдуард Михайлов мамлакатда биринчи жиддий қор қачон ёғиши мумкинлиги ҳақида маълумот берди. Унинг сўзларига кўра, октябрь охири ва ноябрь бошларида қор ёғиши кутилмайди, деб UPL.uz хабар берди.
Синоптикнинг таъкидлашича, аниқ об-ҳаво прогнози 3-5 кунлик бўлиб, аниқлиги 96% га етади. 5-7 кунлик прогноз аниқлиги 85-87% бўлса, 14 кундан узоқ муддатли прогнозлар одатда тахминий ҳисобланади.
Шунингдек, Марказий Осиё иқлимига хос хусусиятлар ва аввалги йиллардаги маълумотлар асосида қор камида ноябрь ўртасидан бошлаб ёғиши мумкинлиги айтилди.
Сўнгги йилларда минтақада қишлар анча совуқ кечмоқда. Бу атмосфера беқарорлиги сабабли юз бераётган бўлиб, Арктика ҳавосининг жанубий ҳудудларга таъсири ортиб бормоқда.
Умуман олганда, глобал исиш бўлишига қарамай, бу йил ҳам ўтган йилга ўхшаш совуқ ва барқарор қиш кузатилиши мумкин, деди Эдуард Михайлов.
“Zamin”ни Telegram'да ўқинг!
