Нонушта қилаётганда, тушлик ёки кечки овқатни еяётганимизда, тановул қилаётган маҳсулотларимиз фойдалими ёки йўқми, деб ўйлаймиз. Зеро, узоқ йиллар давомида мия яхши ишлаши учун тўғри овқатланиш зарур. Аммо бунинг учун қандай маҳсулотларни истеъмол қилиш кераклигини билиш лозим. Қуйида мия фаолиятини яхшилаш учун унга фойда берадиган маҳсулотлар ҳақида билиб олишингиз мумкин.
Кепакли донлардан тайёрланган маҳсулотлар
Кепакли донлардан тайёрланган нон, унган буғдой ва бўтқа истеъмол қилинг. Буғдой, сули, арпа ёрмасидан тайёрланган бўтқани. Бу маҳсулотларда мия фаолиятини яхшилайдиган клетчатка ва В гуруҳи витаминлари бор.
Ёнғоқ
Ёнғоқ мия фаолияти учун жуда фойдали. Уларда ёғ кислоталари, фолий кислота, В1, В6, В9, В12, РР, К, С, Е витаминлари бор.
Какао
Бу ичимлик миянинг қон билан таъминланишини яхшилайди. Какао таркибидаги флаванол – антиоксидант мия яхши ишлашига ёрдам беради.
Шоколад
Мутахассисларнинг таъкидлашича, шоколад ейдиган ёки қора шоколад ичадиган одамларнинг хотираси бошқаларникига нисбатан яхшироқ бўлади. Шоколад тайёрлашда ишлатиладиган какао донларида теобромин мавжуд бўлиб, у асаб тизими учун фойдали.
Балиқ
Балиқнинг ёғли турлари хотирани яхшилаш ва миянинг яхши ишлаши учун жуда фойдали. Балиқда омега-3 ва омега-6 ёғ кислоталари, йод, бром, магний, молибден, марганец, рух, В гуруҳи витаминлари, РР, Н бор. Бу витаминлар ва микроэлементларнинг ҳаммаси ижобий таъсирга эга: хотирани, қон айланишини яхшилайди, томирларни мустаҳкамлайди.
Черника
Черника — жуда фойдали реза мева. У антиоксидантлар, витамин ва минераллар, темир, мис, пантенол кислота, С, В1, В6, РР, А витаминларига бой. Черника мия фаолиятини, кўриш қобилиятини яхшилайди, томир деворларини мустаҳкамлайди.
Олма
Олмада фойдали моддалар, витаминлар ва минераллар кўп, аммо мия учун олма истеъмол қилиш шуниси билан қадрлики, унинг таркибий қисмлари инсультда учрайдиган қон қуйилишини 2 баробар камайтириши мумкин.
Глюкоза
Мия учун фойдали, хотирани ва ақлий қобилиятни яхшилайдиган глюкозани реза мевалар ва мева, тарвуз, қовун, малина, ертут, олхўри, шафтолида топиш мумкин. Бу маҳсулотларни мунтазам равишда истеъмол қилинг.
Зайтун мойи
Мия яхши ишлаши учун зайтун мойи истеъмол қилиш керак, уни алоҳида маҳсулот сифатида ҳам истеъмол қилиш ёки салатларга қўшиш мумкин.
Тухум
Тухумда лецитин ва В12 бор, булар миянинг нормал ишлашига ёрдам беради.
Қаҳва
Агар одам қаҳвани меъёрида истеъмол қилса, бу маҳсулот Альцгеймер касаллиги ривожланишининг олдини олади. Қаҳва истеъмол қилиш тез қарор қабул қилиш ва тафаккурни тиниқ сақлашга ёрдам беради.
Мияга, шунингдек, ақлий қобилиятни яхшилайдиган дофамин зарур. Таомномангизга ловия, товуқ, курка гўшти, сут маҳсулотларини қўшинг.
Мия яхши ишлаши учун серотонин жуда муҳим. Хотира, ўқиш қобилияти унга боғлиқ. У туфайли биз яхши ухлаймиз, иштаҳамиз, кайфиятимиз яхши. Серотонин гормони банан, шоколад, помидор, анжир каби маҳсулотларда мавжуд аминокислоталардаги триптофан туфайли ҳосил бўлади.
Мия фаолиятига фойдали маҳсулотларни мунтазам равишда истеъмол қилинг.
СЕВИНЧ тайёрлади
Манба: tasvir.uz “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда
Тошкентда 02 кодли авторақамлар тахминан қачон пайдо бўлиши айтилди
Эрон президенти жиддий баёнот берди: «Исроилдан ҳеч нарса қолмайди»
Ортиқча вазнли инсонлар учун соғлом овқатланишнинг бешта муҳим қоидаси
