Fitch Group'нинг бўлими Sustainable Fitch Uzbekistan Airports компаниясига ESG рейтингини тақдим этди, деб хабар бермоқда компаниянинг матбуот хизмати. Компания ESG рейтингда «3» даража ва умумий 48 баллни қўлга киритди.
Бу Uzbekistan Airports экология, ижтимоий масъулият ва корпоратив бошқарув соҳаларида барқарор кўрсаткичларга эга эканлигини кўрсатади. Sustainable Fitch Uzbekistan Airportsнинг экологик стратегиясини юқори баҳолади, жумладан, 2050 йилга бориб чиқиндиларни Net Zero даражасига етказиш режалари, углерод юкини камайтириш ва «яшил» энергия қўллаш чоралари эътироф этилди.
Ижтимоий соҳада агентлик меҳнат хавфсизлиги тизими ва кадрлар барқарорлигини таъкидлади. Корпоратив бошқарувда эса директорлар кенгаши қўмиталари фаолияти, ички аудит ва шаффофлик қамраб олинди.
Шунингдек, компания 2026 йил бошида саккизта аэропорт учун Airport Carbon Accreditation'нинг биринчи даражасини ва Тошкент аэропорти учун иккинчи даражасини олишни режалаштирмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
