Тошкент вилоятида фавқулодда вазиятлар бўйича профилактика инспектори хизмат вазифасидан ташқари пайтда ҳалок бўлди. Бу ҳақда Ўзбекистон Республикаси Бош прокуратураси матбуот котиби Ҳаёт Шамсутдинов маълум қилди.
Маълум қилинишича, Тошкент шаҳри Учтепа тумани ФВБ профилактика инспектори, катта лейтенант Хамидуллаев Худойор Бахтиёр ўғли 2025 йил 25 ноябр кунидан навбатдаги хизмат таътилида бўлган. Жорий йил 21 декабрь куни соат 15:00 атрофида у Бўстонлиқ тумани, Ғазалкент МФЙ, Себзор кўчасида жойлашган дала ҳовлисида осилган ҳолатда топилган.
Марҳумнинг ўлим сабабларига аниқлик киритиш мақсадида суд-тиббий экспертизаси тайинланган. Ҳозирда мазкур ҳолат юзасидан Чирчиқ ҳарбий прокуратураси томонидан терговга қадар текширув ишлари олиб борилмоқда.
Расмий идоралар томонидан қўшимча маълумотлар текширув натижаларига кўра берилиши қайд этилган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
