Ўзбекистонда фильтрсиз ишлаётган кўмир қозонхоналаридан фойдаланиш тўхтатилади ва улар пойтахтдан ташқарига кўчирилади. Бу ҳақда Ўзбекистон Президенти Шавкат Мирзиёев Олий Мажлисга қилган мурожаатида маълум қилди.
Президентнинг сўзларига кўра, ҳозирда Тошкент шаҳри ва Тошкент вилоятида тахминан 2 мингта иссиқхона кўмир ва газ ёрдамида иситилмоқда. Модернизацияни қўллаб-қувватлаш мақсадида майдони камида 200 гектар бўлган агрокластерлар ташкил этилади.
Ушбу кластер таркибига кирган иссиқхоналар алоҳида субсидиялар олиш имкониятига эга бўлади. Давлат раҳбари атроф-муҳитни муҳофаза қилиш, сув ресурсларидан оқилона фойдаланиш ва “яшил” энергияни ривожлантириш масалаларининг аҳамиятини ҳам таъкидлади.
Йирик корхоналар учун атмосферага чиқарилаётган чиқиндиларни кузатиш станциялари, тозалаш иншоотлари ва фильтрларни ўрнатиш мақсадида 100 миллион долларлик кредит линияси ажратилади.
Меҳмон гуруҳидаги фойдаланувчилар ушбу мақолага изоҳ қолдира олмайди.
