Hyundai компаниясы Пекинде Cybertruck стиліндегі Ioniq V седанын таныстырды

Оңтүстік Кореяның "Hyundai" компаниясы Пекин автосалонында тек Қытай нарығына арналған жаңа "Ioniq V" электр седанын таныстырды. Бұл модель брендтің басқа нарықтардағы автомобильдерінен түбегейлі ерекшеленеді және компанияның "Origin" деп аталатын жаңа дизайн бағытын көрсетеді. Бұл туралы Ixbt.com хабарлайды

Электромобильдің сыртқы келбеті өзіндік өткір қырлы әрі бұрышты дизайнымен ерекшеленеді, бұл көпшілікке "Tesla Cybertruck" стилін еске салады. Автомобильдің ұзындығы 4 900 мм, доңғалақ базасы 2 900 мм-ді құрайды, осы көрсеткіштер бойынша ол "Ioniq 6" моделіне жақын.

Салонда 27 дюймдік 4K ажыратымдылықтағы панорамалық экран, проекциялық дисплей және "Dolby Atmos" жүйесі бар аудио құрылғылар орнатылған. Техникалық тұрғыдан жаңалық 800 вольттық платформада жасалған, бұл қуатты жылдамырақ толықтыруға мүмкіндік береді.

Бір рет толық қуаттанғанда автомобиль 600 километрден астам қашықтықты еңсере алатыны айтылған.

"Hyundai" басшылығы Қытай нарығын тек сынақ алаңы ғана емес, жаһандық кеңеюдің негізі деп санайды. Компания алдағы бес жыл ішінде осы елде 20 жаңа модельді, соның ішінде толық электрлі және гибридті автомобильдерді сатылымға шығаруды жоспарлап отыр.

[media=https://cdn.embedly.com/widgets/media.html?src=https%3A%2F%2Fwww.youtube.com%2Fembed%2FCbhFx4mCpRc%3Fstart%3D2%26feature%3Doembed%26start%3D2&display_name=YouTube&url=https%3A%2F%2Fwww.youtube.com%2Fwatch%3Fv%3DCbhFx4mCpRc&image=https%3A%2F%2Fi.ytimg.com%2Fvi%2FCbhFx4mCpRc%2Fhqdefault.jpg&type=text%2Fhtml&schema=youtube]