Ресейде Қытайда шығарылған жаңа Volvo XC70 кроссовері таныстырылды

Ресей нарығында жаңа буындағы "Volvo XC70" кроссовері таныстырылды. Алдыңғы буыннан айырмашылығы, модель енді жол талғамайтын универсал емес, D-класына жататын отбасылық кроссоверге айналды.

Бұл туралы Ixbt.com хабарлайды.

Өлшемдері бойынша ол "XC60" және "XC90" модельдерінің арасынан орын алған.

Автомобиль SMA платформасында құрастырылған, оның күштік қондырғысы үш электр қозғалтқышынан және 1,5 литрлік "Geely" турбо моторынан тұрады. Жүйенің жалпы қуаты 462 ат күшін құрайды.

Кроссовер 100 км/сағ жылдамдыққа 5,4 секундта жетеді.

Толық жетекті автомобиль 39,6 кВт/сағ сыйымдылықтағы аккумулятормен жабдықталған. Бұл тек электр энергиясымен 212 км қашықтықты басып өтуге мүмкіндік береді.

Жанармай багы және толық қуатпен кроссовер барлығы 1200 км жол жүре алады.

Жаңа "Volvo XC70" моделінің әлемдік премьерасы 2025 жылдың жазында өткен болатын. Қазіргі уақытта бұл автомобиль Қытайдың Тайчжоу қаласындағы зауытта шығарылуда.