Ресейлік RCI Service тюнинг компаниясы Lada Iskra моделінің алғашқы турбо нұсқасын жасағанын жариялады. Стандартты күйінде көлік 106 ат күші бар 1,6 литрлік атмосфералық қозғалтқышпен және 6 сатылы механикалық беріліс қорабымен жабдықталған, 100 км/сағ жылдамдыққа 12,6 секундта жетеді. Бұл туралы Ixbt.com хабарлайды.
Мамандар орнатқан арнайы турбокомплектінің көмегімен қозғалтқыш қуаты 160 ат күшіне, ал айналу моменті 240 Нм-ге дейін арттырылды. Garrett-1752 турбинасы орнатылғаннан кейін көліктің 100 км/сағ жылдамдыққа жету уақыты 7,5–8 секундқа дейін қысқарды, ал максималды жылдамдығы 210 км/сағ құрайды.
Жобада тот баспайтын болаттан жасалған шығару коллекторы, күшейтілген салқындату жүйесі және жаңартылған тежеу жүйесі қолданылды. Тюнинг процесі небәрі төрт күнге созылды, бұл қозғалтқыштың динамикасы мен серпімділігін айтарлықтай жақсартуға мүмкіндік берді.
Естеріңізге сала кетейік, Lada Iskra моделі нарықта сәтті сатылуда: сәуір айында 3212 дана көлік сатылды. Модель заманауи Lada EnjoY Evo мультимедиялық жүйесімен, Yandex сервистерімен, LED оптикасымен және электронды тұрақтандыру жүйесімен (ESP) жабдықталған.
“Zamin”-ді Telegram-нан оқыңыз!
