АҚШ-та бензин бағасының күрт өсуі аясында гибридті автомобильдерге деген сұраныс тез өсті. Алайда, бұл жағдай тағы бір мәселені тудырды — дилерлер ең танымал Toyota модельдерінің бағасын негізсіз көтеріп жатыр. Қазіргі уақытта елдегі отынның орташа бағасы литріне 1,19 доллардан асса, Калифорнияда бұл көрсеткіш 1,58 долларға жетті. Бұл туралы Ixbt.com хабарлайды.
Мұндай жағдайда американдықтар үнемді гибридтерге, атап айтқанда Toyota RAV4 Hybrid және басқа да Toyota модельдеріне жаппай ауысуда. Сұраныстың тым жоғары болуына байланысты көптеген автомобильдер тапшы болып қалды. Ал дилерлер жағдайды пайдаланып, өндіруші ұсынған бағадан (MSRP) жоғары үстеме баға қоса бастады.
Мысалы, ұсынылған бағасы шамамен 41 мың доллар болатын Toyota RAV4 Hybrid XLE Premium нұсқасы кейбір дилерлік орталықтарда 56 мың доллардан сатылуда. Гибридті модельдер үшін үстеме баға әдетте 3 мыңнан 13 мың долларға дейін жетеді. Кейбір жағдайларда базалық бағасы 49 мың доллар болатын көліктер үшін 66 мың долларға дейін сұралуда. Нәтижесінде, дилерлік үстемелер есебінен көліктің түпкілікті бағасы 30–40 пайызға қымбаттады.
Жағдай штаттан штатқа қарай өзгереді: кейбір дилерлер әлі де ресми бағамен сатуды жалғастыруда, бірақ сатып алушылар мұндай ұсыныстарды табу үшін нағыз «аңшылық» жасап, ұзын-сонар кезекке тұруға мәжбүр. Сарапшылардың айтуынша, нарық пандемия кезіндегі автомобиль тапшылығын еске түсіреді.
Тек бұл жолы дүрліктірген сұранысқа микросхемалардың тапшылығы емес, отын бағасының қымбаттығы және бензинді айтарлықтай үнемдеуге мүмкіндік беретін гибридті технологияларға деген қызығушылық себеп болып отыр. Toyota RAV4 Hybrid қазіргі таңда АҚШ нарығындағы ең сұранысқа ие және табу қиын модельдердің біріне айналды.
“Zamin”-ді Telegram-нан оқыңыз!
