Көздің қышуы әртүрлі себептерге байланысты пайда болуы мүмкін. Сарапшылар бұл жағдайдың ең көп таралған себептері туралы ақпарат берді.
Ақпараттарға сәйкес, көз қышуына ең алдымен аллергиялар себеп болады. Шаң, гүл тозаңы, жануар жүні, косметика немесе тұрмыстық химиялық заттар көзде аллергиялық реакция тудыруы мүмкін. Бұл кезде көз қызарады, ісінеді және жас ағады.
Сонымен қатар, құрғақтық та көз денсаулығына әсер етеді. Компьютер мен телефоннан ұзақ уақыт пайдалану, кондиционерлі бөлмеде болу немесе ағзада су жетіспеушілігі құрғақтыққа алып келеді. Нәтижесінде көзде ыңғайсыздық және қышу пайда болады.
Көздің шамадан тыс шаршауы да қышуға себеп болады. Бұл жағдай «сандық көз синдромы» деп аталады. Қоршаған орта факторлары — шаң, түтін, жел, суық немесе ыстық ауа райы да көздің тоқтамай қышуына алып келуі мүмкін.
