Түркияда әйелдердің суреттеріне лайк басқан ер адам жазаланды

Түркияда әлеуметтік желілерде бөтен әйелдердің суреттеріне лайк басқан ер адам сот арқылы кінәлі деп танылды. Бұл туралы “Habertürk” хабарлады.

Мәліметке қарағанда, ерлі-зайыптылар арасындағы жанжалдар күшейгеннен кейін жұп ажырасу үшін сотқа жүгінген. Әйелдің айтуынша, күйеуі оны төмендеткен, материалдық қолдау көрсетпеген және әлеуметтік желілерде басқа әйелдердің жазбаларына лайк басу арқылы отбасыға деген адалдық міндетін бұзған.

Сот бұл айыптауларды растап, ер адамды кінәлі деп таныды. Оған бұрынғы әйеліне 500 мың лира көлемінде моральдық өтемақы төлеу, сондай-ақ ай сайын алимент төлеу міндеттелді.

Шешімде бұл үкім прецедент ретінде қаралатыны және болашақта осындай істерді қарау кезінде қолданылуы мүмкін екені атап өтілген.