Өзбекстанда алтын құймаларының бағасы тарихи максимумды жаңартты

12 қаңтар күні Өзбекстанда 5 граммдық алтын құймасының бағасы 9 млн сумға жетіп, рекордтық көрсеткіш тіркелді. Бұл туралы podrobno.uz хабарлайды .

Орталық банктің мәліметінше, 1 грамм алтын 1,8 млн сумға бағаланған, ал 10 граммдық құйманың құны 18 млн сумды құраған.

Алтын бағасының өсуі әлемдік нарықтардағы қымбаттаумен түсіндіріледі. COMEX (Нью-Йорк тауар биржасы) саудасында алтынның бір трой унциясы 4,5 мың долларға бағалануда.

Еске салайық, 2025 жылғы қарашада Өзбекстан әлемдегі ең ірі үш алтын сатып алушының қатарына кірген еді. Сол кезде Орталық банк бір айдың ішінде 10 тонна бағалы металл сатып алған.