«Зверополис 2» кассалық түсімі 1,5 млрд доллардан асты

Disney-дің «Зверополис 2» мультфильмі кинотеатрларда кассалық табысты қарқынды түрде жинауды жалғастырып жатыр. Жоба әлемдік кассада $1,588 млрд нәтижеге жетіп, $1,6 млрд межесіне өте жақындады. Бұл көрсеткіш оны Disney тарихындағы ең көп табыс әкелген анимациялық фильмге айналдырды. Бұл туралы playground.ru хабарлайдыхабарлайды.

Мультфильм әсіресе Қытай нарығында жарқын нәтиже көрсетті: онда картина $600 млн-нан астам табыс тауып, Қытайдағы ең табысты голливудтық киножоба атанды. Жергілікті нарықта оған жақындай алатын жалғыз бәсекелес ретінде «Аватар: От пен күл» аталады — ол Қытайда $100 млн-нан астам табыс көрсеткен.

Тағы бір назар аударарлық жайт: «Зверополис 2» PG рейтингі бар фильмдер арасында $1 млрд межесіне ең жылдам жеткен картина болып, мұны премьерадан кейін небәрі 17 күнде орындады.

2016 жылғы фильмнің жалғасы 2025 жылы $1 млрд-тан асқан бар болғаны үш фильмнің қатарына кірді. Бұл тізімде «Лило мен Стич» ремейкі ($1,03 млрд) және әлемдік прокатта $2,2 млрд көрсеткішпен көш бастап тұрған қытай фильмі «Нэчжа» да бар.