22 жастағы қазақстандық шахматшы Бибісара Асаубаева өзінің Telegram-арнасында аудиторияның өсуіне байланысты қиындықтар мен әлеуметтік желілердегі қысым туралы пікір білдірді. Спортшының айтуынша, Үміткерлер турнирінен кейін жазылушылар саны айтарлықтай өсіп, арнаны бұрынғыдай «жеке күнделік» ретінде жүргізу қиындаған.
Асаубаева өз парақшасында жайлы әрі тыныш ортаны сақтау мақсатында жағымсыз пікір жазатындарды ешқандай ескертусіз блоктайтынын мәлімдеді:
Сондай-ақ, қалай өмір сүруім, кіммен кездесуім, кіммен дос болуым немесе немен айналысуым туралы сұралмаған кеңестер бермеулеріңізді қатаң сұраймын. Мен барлығына ұнауға міндетті емеспін. Егер бір нәрсе ұнамаса, жазылымнан шығып кеткеніңіз жөн», — деді шахматшы.
Айта кетейік, қазіргі таңда спортшының Telegram-арнасына 20 мыңға жуық адам жазылған. Бибісара Асаубаева — блиц шахматынан үш дүркін әлем чемпионы. Ол соңғы рет 2025 жылдың соңында әлем чемпионы атағын жеңіп алды. Кипрде өткен Үміткерлер турнирінде екінші орынды иеленді.
“Zamin”-ді Telegram-нан оқыңыз!
