Канн кинофестивалі аясындағы ірі кинонарықта Өзбекстан алғаш рет 25 пайыздық Rebate және Global Country Placement бағдарламаларын жариялады. Енді шетелдік киногерлер Өзбекстанда фильм түсірсе, шығынының 25 пайызын мемлекет өтеп береді.
Сол себепті ірі кинокомпаниялар мен продюсерлер Өзбекстанға белсенді қызығушылық таныта бастады. Француз режиссері Квентин Клосан Сурхандарияда фантастикалық фильм түсіруді жоспарлап отырғанын айтты. Ал италиялық өнерпаздар Amazon Prime үшін Бойбулоқ үңгірінде деректі фильм түсіру ниетінде. Британдық және жапондық продюсерлер де Өзбекстанда жаңа жобалар жасауға қызығушылық білдірді.
Өзбекстан делегациясы Variety, Deadline Hollywood және басқа да танымал киноплатформалардың өкілдерімен кездесті. Сарапшылардың айтуынша, мұндай бағдарламалар кино арқылы туризмді де күшейтеді.
“Zamin”-ді Telegram-нан оқыңыз!
