Шахриёр Бахтиёров екінші рет әке атанды!

Актер әрі танымал блогер Шахриёр Бахтиёров пен оның жұбайы Зилола Бахтиёрова тағы бір мәрте ата-ана болу бақытына ие болды. Қуанышты жаңалықты Зилола Бахтиёрова әлеуметтік желідегі парақшасы арқылы бөлісіп, 14 желтоқсан күні ұл балалы болғандарын хабарлады.

Қуанышты жазбаның астында Шахриёр Бахтиёров та шынайы әрі дұғаға толы пікір қалдырды. Ол былай деп жазды:

«Машааллаһ (14.12.25 – 12:00). Қош келдің, ұлым. Аллаға шексіз шүкір, бізді аман-есен қауыштырды. Мұндай бақыт баршаға бұйырсын. Біз сені жақсы көреміз, балам», — деп жазды.

Аталған жаңалық жанкүйерлер тарапынан зор қуанышпен қабылданып, әлеуметтік желілерде көптеген құттықтаулар мен ізгі тілектерге себеп болды.