Самарқандта Дамас пен Оникс көліктері соқтығысып, бір адам қаза тапты

15 қараша күні Самарқанд қаласында болған ауыр ЖҚО бір адамның өмірін қиып кетті. Облыстық Жол қозғалысы қауіпсіздігі басқармасының мәліметінше, оқиға сағат 14:05-те «Ал-Хоразмий» махалласы аумағында, Нодирабегим және Чулпон көшелерінің қиылысында орын алған.

Хабарлануынша, Damas-2 автокөлігінің жүргізушісі солға бұрылмақ болған кезде ережені сақтамай, қарсы бағыттан тік келе жатқан Onix көлігіне жол бермеген. Соның нәтижесінде екі көліктің арасында қатты соқтығысу болған.

Жол апаты салдарынан Damas көлігіндегі екі жолаушы ауруханаға жеткізілген. Дәрігерлердің бар күш-жігеріне қарамастан, олардың бірі алған жарақаттары салдарынан ауруханада қайтыс болған.

Оқиға бойынша қылмыстық іс қозғалып, алғашқы тергеу шаралары жүргізілуде.