Жол жиегіндегі металл қоршау мотоциклшіді өлтірді

Ташкент облысының Бостандық ауданында орын алған кезекті жол апаты 43 жастағы мотоцикл жүргізушісінің өмірін қиды. ЖПБ деректеріне қарағанда, оқиға 23 қараша күні, шамамен 14:00-де D012 «Бектемир–Чарбоғ» автожолының 64-шақырымында болған.

Белгілі болғандай, Ташкент қаласында тұратын, 1982 жылы туған Г.А. Honda маркалы мотоциклмен «Чарбоғ–Ташкент» бағыты бойынша жоғары жылдамдықпен жүріп келе жатып, басқаруды жоғалтып, жолдың оң жағында орнатылған темір қоршауға соғылған. Қатты соққы салдарынан жүргізуші оқиға орнында қаза тапқан.

Бұл жағдай бойынша Бостандық ауданы ІІБ Тергеу бөлімі Қылмыстық кодекстің 266-бабы бойынша қылмыстық іс қозғаған. Тергеу әрекеттері жалғасуда.