Самарқанд әуежайында жолаушының жүгінен пневматикалық тапанша табылды

Самарқанд әуежайында Ресейден келген рейс жолаушысының жүгінен пневматикалық тапанша және оқ-дәрілер табылды. Оқиға 4 желтоқсан күні «Санкт-Петербург–Самарқанд» рейсінде тіркелді.

39 жастағы Өзбекстан азаматы А.Д. кеденнен өтуде «жасыл» дәлізді таңдаған, бірақ қызметкерлерде күдік туғандықтан оны «қызыл» дәлізге өткізіп, жүгін толық тексерген. Тексеру барысында оның сөмкесінен 1 пневматикалық тапанша, 4 сығылған ауа баллоны және 105 оқ табылды.

Азамат қаруды Санкт-Петербургте бейтаныс адамнан сатып алғанын және жеке пайдалану үшін алып келе жатқанын айтқан. Тапанша мен оқ-дәрілер кеден органдары тарапынан уақытша сақтауға алынған.