Ташкент қаласында iPhone ұялы құрылғыларының заңсыз айналымына қатысты кезекті жағдайлар анықталды. Toshkent-AERO мамандандырылған кеден кешенінің баспасөз қызметінің мәліметінше, жедел тексерулер барысында жалпы саны 179 телефонның “қара нарық” арқылы сатылуына тосқауыл қойылған.
Хабарланғандай, Контрабандаға қарсы күрес бөлімінің қызметкерлері Чилонзор ауданында кедендік рәсімдеуден өтпеген, заңсыз жолдармен республикаға әкелінген құны 255 миллион сом болатын 102 дана iPhone “шартты сатып алушыға” сатылып жатқан сәтте тоқтатқан.
Сондай-ақ Шайхантоҳур ауданына жақын орналасқан сауда кешені маңында құны 207 миллион 900 мың сом болатын 77 телефон да “шартты сатып алушыға” ұсынылып жатқан кезде анықталып, олардың сатылымға шығарылуының алдын алған.
Қазіргі уақытта аталған жағдайлар бойынша кеден органдары тарапынан тексеру жұмыстары жүргізіліп жатқаны хабарланды.
Хабарда атап өтілгендей, 2026 жылдың басынан бері осы кешеннің кеден қызметкерлері 35 жағдайда жалпы құны 1 миллиард 727 миллион сом болатын 377 дана ұялы байланыс құрылғысының заңсыз айналымын тоқтатқан.
