Ресейде 7-қабаттан құлап кетудің алдында қалған баланы ұстап қалған Хайрулло Ибодуллаев оқиғаның қалай болғанын айтып берді. Оның айтуынша, сол күні жұмысқа шыққан кезде жоғары қабаттардан екі әйелдің төменге қарап қатты айқайлағанын естіген.
Осыдан кейін Хайрулло терезе алдында ойнап отырған баланы байқап қалады. Уақытты жоғалтпай, балаға дауыстаған
Ішке кір құлап кетесің деп айқайладым бірақ бала сөзімді тыңдамады кірмеді
Оның сөзінше, аздап өз жұмысымен айналысса да, ойы әлі де сол балада болған. Және алаңдауы бекер емес екен.
Кенет бала салбырап қалыпты. Мұны көрген Хайрулло бірден астына жүгіріп барып, баланы ұстап қалуға тырысады. Бір сәттің ішінде тағдыр шешіледі бала қатты соққымен құлап түседі.
Бала дем ала алмай қалды мен бірден көмектестім массаж жасадым деп еске алады ол
Соңғы мәліметтерге қарағанда, бала қазір жансақтау бөлімінде, жағдайы тұрақты. Бірнеше жері сынған, оның ішінде аяғы да бар, ішкі ағзалары да жарақат алған. Ерлік көрсеткен өзбекстандық ер адамның да қол саусақ сүйектері мен қабырғасы сынғаны айтылады.
Хайрулло Ибодуллаевтың бұл ерлігі назардан тыс қалмады. Ол төртінші “Тигран Кеосаян” сыйлығымен марапатталған. Сондай-ақ ынталандыру ретінде оған бір миллион рубль мөлшерінде ақшалай сыйақы да берілмек.
Бұдан бөлек, Шавкат Мирзиёевтің 23 ақпандағы жарлығымен Хайрулло Ибодуллаев “Жасорат” медалімен де марапатталған.
Кейде ерлік кино кадры емес ол қарапайым бір жұмыс күнінде де туады. Ең бастысы бұл ерліктің арқасында бір баланың өмірі сақталып қалды және бұл бәрінен үлкен жеңіс.
