2 наурыз күні Ташкент облысының Нурафшан қаласында банкоматты бұзып, ішіндегі ақшаны алып кетуге әрекет жасаған ер адам жедел түрде ұсталды. Бұл туралы облыстық Ішкі істер бас басқармасының ақпарат қызметі хабарлады.
Хабарға сәйкес, түнгі сағат 03:10-да «Оппоқ» МФЙ, Тошкент йўли көшесінде орналасқан банкомат құрылғысынан түскен дабыл сигналы Қорғау басқармасына келіп түскен. Ескерту кезекшілік бөлімі арқылы дереу түнгі жедел топқа жеткізілген.
Қызметкерлер оқиға орнына небәрі 4 минутта жетіп, аумақты тексеруді бастаған. Бақылау және тексеру барысында банк бөлімшесінің аумағында болған ер адам ұсталған.
Оның жанынан балға, бұрауыш және басқа да шаруашылық құралдары табылған. Алдын ала мәліметтерге сәйкес, ол банкомат есігін күшпен ашып, ақшаны ұрлауды жоспарлаған.
Жедел шаралар нәтижесінде Орта Чирчик ауданында тұратын, 1994 жылы туған азамат оқиға орнында ұсталды. Осы жағдай бойынша аумақтық ІІБ тарапынан тергеуге дейінгі тексеру жұмыстары жүргізілуде.
“Zamin”-ді Telegram-нан оқыңыз!
