Андижан облысындағы демалыс саябағында орын алған бақытсыз жағдай салдарынан бірнеше азамат жарақат алды. Бұл туралы облыстық Төтенше жағдайлар басқармасы мәлімдеді.
Атап өтілгендей, 2026 жылғы 26 сәуірде Захириддин Мұхаммед Бабыр атындағы демалыс саябағында орналасқан аттракционда ақау шыққан. Шынжырдың үзіліп кетуі салдарынан құрылғы құлаған.
Алдын ала мәліметтер бойынша, темір конструкцияның сынуы салдарынан екі азамат жеңіл дене жарақатын алған. Оларға шұғыл медициналық көмек көрсетілді.
Сонымен қатар, әлеуметтік желілерде тараған хабарламаларда зардап шеккендер саны көбірек — кем дегенде жеті адам екені айтылуда. Бейнежазбаларда оқиғадан кейін аттракцион бөлшектерінің жерге шашылып қалғанын көруге болады.
Кейбір қолданушылар мұндай ойын-сауық құрылғыларының тұрақты техникалық тексеруден өткізілмейтінін алға тартып, қауіпсіздік мәселесіне нық көңіл бөлу қажеттігін білдіруде.
Қазіргі уақытта аталған жағдай бойынша тиісті органдар тарапынан тексеру жұмыстары жүргізілуде.
