Ташкент метросында күтпеген жағдай: әйел адам пойыз жолына құлап кетті

Ташкент метрополитенінде орын алған оқиға көпшіліктің назарын аударды. 2 мамыр күні сағат шамамен 21:35-те Ташкент метрополитенінің «Ғафур Ғұлам» бекетіне келе жатқан пойыз жолына бір әйел абайсызда құлап кеткен.

Ресми мәліметтерге сәйкес, жағдай кезінде машинист жедел шешім қабылдап, пойызды дереу тоқтатқан. Осының арқасында ауыр зардаптардың алды алынды.

Алғашқы тексерулер азаматшаның ауыр жарақат алмағанын көрсетті. Ол жедел жәрдем қызметкерлері тарапынан тексеруден өту үшін ауруханаға жеткізілді.

Мамандардың айтуынша, оқиға метро қозғалысына әсер етпеген — пойыздар әдеттегі кесте бойынша жүруін жалғастырды.