Ферғана облысында орын алған сұмдық қылмыс жұртшылықты дүр сілкіндірді. Белгілі болғандай, 29 жастағы ер адам ақша мәселесінен туындаған жанжалдан кейін өз анасын қатыгездікпен өлтірген.
Сот материалдарына сәйкес, оқиға күні таңғы сағат 08:00 шамасында марқұм әйел мен оның үлкен ұлы арасында қаржылық мәселеге байланысты дау туындаған. Жанжал ушығып, айыпталушы қолындағы балтамен анасының басынан бірнеше рет ұрған.
Мәліметтерде оның одан кейін де қылмыстық әрекетін жалғастырып, аулада тұрған шаруашылық пышағын алғаны және әйелдің денесіне қатыгездік танытқаны жазылған. Содан кейін ізін жасыру мақсатында дене бөлшектерін үй аумағына көміп тастап, оқиға орнынан қашып кеткен.
Бұл іс Данғара аудандық қылмыстық істер сотында қаралды. Сот айыпталушыны Қылмыстық кодекстің адам өлтіруге қатысты бабы бойынша кінәлі деп тапты.
Үкімге сәйкес, ол 18 жылға бас бостандығынан айырылып, жазасын жалпы режимдегі колонияда өтеуі белгіленді.
