Атлетико бапкері Симеоне жеңісті түсіндірді

Испания біріншілігінің оныншы турында Мадридтің "Атлетико" командасы сырт алаңда "Бетисті" 2:0 есебімен жеңді. Осы нәтиже туралы "матрасшылардың" бас бапкері Диего Симеоне өз ойларымен бөлісті.

"Біз керемет ойын көрсеттік, әсіресе бірінші таймда өте жақсы қимылдадық және 2:0 есебінде алға шықтық. Үзілістен кейін бірінші таймдағы анық ойынымызды жалғастыра алмадық, алайда есепті сақтап қалдық.

Бұл біз үшін және Ла Лига турнирінің кестесіндегі жағдайымыз үшін маңызды жеңіс", – деді бас бапкер баспасөз мәслихатында. Он турдан кейін Мадрид командасы 19 ұпай жинап, Испания чемпионаты турнир кестесінде төртінші орынды иеленіп тұр.