Ямал мен Педри Карвахалды жазылымнан шығарып тастады

Өткен демалыс күндері Мадридтің "Реал" және "Барселона" командалары арасында "Эль-Класико" кездесуі өтті. Бұл ойын "Сантьяго Бернабеу" стадионында ұйымдастырылып, алаң иелері 2:1 есебімен жеңіске жетті.

Footmercato хабарлауынша, осы принциптік кездесуден кейін "Барселонаның" футболшылары Ламин Ямал мен Педри "Реалдың" қорғаушысы Дани Карвахалды әлеуметтік желілердегі жазылымдарынан шығарған. Карвахал да өз кезегінде жерлестерін жазылымдарынан алып тастаған.

Ла Лига чемпионатының он турынан кейін "Реал" 27 ұпаймен турнир кестесінде бірінші орында келеді. "Барселона" болса 22 ұпаймен екінші орында тұр.